Kit ou konn fè egzèsis regilyèman, kit ou pratike yon espò, oswa ou jis vle kenbe kò w anfòm pandan w ap pran laj, li enpòtan pou kò a jwenn ase pwoteyin chak jou. Se nan lide sa a **Performance Whey Protein Blend (Vanilla)** fèt. Li ede ogmante kantite pwoteyin ou pran chak jou epi li ede kò a reprann kap li pi byen apre egzèsis.
Chak pòsyon pwodwi a bay **22 gram pwoteyin**, grasa yon melanj **Whey Protein Isolate** ak **Whey Protein Concentrate**. De kalite pwoteyin sa yo gen tout asid amine esansyèl kò a bezwen pou ede kenbe bon jan misk epi sipòte yon vi aktif.
Poukisa pwoteyin enpòtan?
Lè w fin fè egzèsis, kit se leve pwa, kouri, monte bisiklèt oswa nenpòt lòt aktivite fizik, kò a bezwen pwoteyin pou ede l refè. Se youn nan eleman nitritif ki ede kenbe kò a solid epi ede misk yo rete an bon eta.
Men pwoteyin pa itil sèlman pou moun ki fè espò. Li enpòtan tou pou moun ki vle kenbe fòs yo pandan y ap pran laj oswa ki vle asire kò yo resevwa ase pwoteyin chak jou.
Performance Whey Protein Blend ka pran apre egzèsis, ant de repa oswa nenpòt lòt moman nan jounen an kote w bezwen yon bon sous pwoteyin.
Yon fòmil ki chita sou kalite
Pwodwi a fèt ak yon melanj **Whey Protein Isolate** ak **Whey Protein Concentrate**, de sous pwoteyin ki natirèlman genyen tout asid amine esansyèl yo. Se eleman sa yo kò a itilize pou ede kenbe misk yo an bon eta epi pou ede kò a reprann fòs li apre egzèsis.
Anplis pwoteyin lan, fòmil la genyen **Resistant Potato Starch**, yon sous fib alimantè ki ede konplete valè nitrisyonèl bwason an.
Sou kestyon gou, pwodwi a vini ak yon gou vaniy ki dous, ki bay yon sansasyon krèm lè w ap bwè li. Li fèt ak arom natirèl epi li itilize **stevia** kòm edulkoran, san li pa gen sik atifisyèl.
Fasil pou prepare
Youn nan avantaj pwodwi sa a se jan li fasil pou itilize. Ou sèlman bezwen melanje l ak dlo pou prepare yon bwason pwoteyin nan kèk segonn. Sa fè li yon bon opsyon pou moun ki pa toujou gen anpil tan, men ki vle kontinye pran swen alimantasyon yo.
Kisa syans di?
Plizyè rechèch syantifik montre pwoteyin ka bay plis benefis lè li mache ansanm ak egzèsis.
Daprè done ki soti nan analiz ki te rasanble rezilta **49 etid** sou prèske **1,900 granmoun** montre moun ki te pran sipleman pwoteyin pandan yo t ap fè egzèsis te devlope plis fòs epi yo te kenbe plis bon jan misk pase moun ki te fè egzèsis san yo pa pran ase pwoteyin. Chèchè yo remake tou benefis yo rive nan pi bon nivo lè yon moun pran anviwon **1.6 gram pwoteyin pou chak kilogram pwa kò pa jou**. Depase kantite sa a pa t montre plis benefis pou devlope misk yo.
**Sous:** Morton RW et al., *British Journal of Sports Medicine* (2018). https://pubmed.ncbi.nlm.nih.gov/28698222/
Yon lòt rechèch ki te fèt sou fanm ki gen plis pase 65 an te rive nan menm konklizyon an. Pandan 12 semèn, patisipan ki t ap pran **35 gram whey protein** ansanm ak yon pwogram egzèsis te montre plis pwogrè nan fòs kò yo ak nan kantite misk yo pase gwoup ki pa t pran whey protein.
**Sous:** Sugihara Junior P. et al., *International Journal of Sport Nutrition and Exercise Metabolism* (2018). https://pubmed.ncbi.nlm.nih.gov/29252039/
## An rezime
Si w ap chèche yon fason ki senp pou ogmante kantite pwoteyin ou pran chak jou, ede kò w refè apre egzèsis epi kenbe kò w djanm, **Performance Whey Protein Blend (Vanilla)** kapab yon bon opsyon pou ou.
Avèk **22 gram pwoteyin pa pòsyon**, yon melanj **Whey Protein Isolate** ak **Whey Protein Concentrate**, tout asid amine esansyèl kò a bezwen, ansanm ak yon gou vaniy natirèl ki pa gen sik atifisyèl, pwodwi sa a fèt pou akonpaye w chak jou, kit ou fè espò, kit ou jis vle pran swen sante w ak byennèt ou.
**Eseye Performance Whey Protein Blend (Vanilla) epi bay kò w sipò li bezwen pou rete djanm chak jou.**
**Nòt enpòtan:** Pwodwi sa a se yon sipleman alimantè. Li pa ranplase yon bon alimantasyon ni li pa fèt pou trete, geri oswa anpeche okenn maladi. Pou jwenn pi bon rezilta, li ta dwe itilize ansanm ak yon rejim alimantè ekilibre ak aktivite fizik regilye.
